డేగల ప్రభాకర్ జన్మదినోత్సవం సందర్భంగా యువత స్వచ్ఛంద రక్తదానం
గుంటూరు, 05 సెప్టెంబర్ 2026, భారత్ ప్రతినిధి న్యూస్ : ఆంధ్రప్రదేశ్ ఇండస్ట్రియల్ డెవలప్మెంట్ కార్పొరేషన్ (ఏపీఐడీసీ) చైర్మన్ డేగల ప్రభాకర్ జన్మదినోత్సవ వేడుకలు గుంటూరులో సేవా కార్యక్రమాలతో ఘనంగా జరిగాయి. జన్మదిన వేడుకలను ఆర్భాటాలకు పరిమితం చేయకుండా ప్రజలకు ఉపయోగపడే కార్యక్రమాలుగా నిర్వహించాలనే ఉద్దేశంతో మెగా రక్తదాన శిబిరంతో పాటు ప్రభుత్వ ఆసుపత్రిలో పండ్లు, బ్రెడ్ పంపిణీ కార్యక్రమాలను నిర్వహించారు. గుంటూరులోని ఆంధ్ర ప్రైమ్ హాస్పిటల్లో నిర్వహించిన మెగా రక్తదాన శిబిరానికి యువత నుంచి విశేష స్పందన లభించింది. యువత స్వచ్ఛందంగా రక్తదానం చేసి సేవా స్ఫూర్తిని చాటుకున్నారు. అత్యవసర పరిస్థితుల్లో రక్తం అవసరమైన వారికి సకాలంలో రక్తం అందేలా చేయడం, యువతలో రక్తదానంపై అవగాహన కల్పించడం, సామాజిక బాధ్యతను పెంపొందించడమే ఈ కార్యక్రమం ప్రధాన ఉద్దేశమని నిర్వాహకులు తెలిపారు.
జీజీహెచ్లో మహిళలకు పండ్లు, బ్రెడ్ పంపిణీ : జన్మదినోత్సవంలో భాగంగా గుంటూరు ప్రభుత్వ జనరల్ ఆసుపత్రి (జీజీహెచ్)లోని స్త్రీ ప్రసూతి విభాగాన్ని సందర్శించి అక్కడ చికిత్స పొందుతున్న మహిళలకు బ్రెడ్, పండ్లు పంపిణీ చేశారు. ఆసుపత్రిలో చికిత్స పొందుతున్న మహిళలు, వారి కుటుంబ సభ్యులను పరామర్శించి వారి ఆరోగ్య పరిస్థితులను అడిగి తెలుసుకున్నారు.ఈ సందర్భంగా రోగులకు అవసరమైన సహాయ సహకారాలు అందించేందుకు తమ వంతు కృషి చేస్తామని తెలిపారు. ప్రజా జీవితంలో ఉన్నవారు తమ వ్యక్తిగత వేడుకలను కూడా ప్రజా సేవకు ఉపయోగపడే విధంగా నిర్వహించాలనే ఆలోచనతో ఈ కార్యక్రమాలను చేపట్టినట్లు నిర్వాహకులు తెలిపారు. ముఖ్యంగా ఆసుపత్రుల్లో చికిత్స పొందుతున్న వారికి ఆత్మీయత, భరోసా కల్పించడం, అవసరమైన వారికి సహాయం అందించడం సామాజిక బాధ్యతగా భావిస్తున్నామని పేర్కొన్నారు. ఏపీఐడీసీ చైర్మన్గా పారిశ్రామిక అభివృద్ధికి తన వంతు కృషి చేస్తానని డేగల ప్రభాకర్ పేర్కొన్నారు.
పరిశ్రమల స్థాపనకు అనుకూల వాతావరణం కల్పించడం, పెట్టుబడిదారులను ప్రోత్సహించడం, పారిశ్రామిక మౌలిక వసతులను అభివృద్ధి చేయడం ద్వారా రాష్ట్రాన్ని పారిశ్రామికంగా మరింత బలోపేతం చేయాలనే లక్ష్యంతో పనిచేస్తున్నట్లు తెలిపారు. చంద్రబాబు నాయుడు నిర్దేశించిన అభివృద్ధి లక్ష్యాలకు అనుగుణంగా ఏపీఐడీసీ ద్వారా మరింత చురుకైన పాత్ర పోషిస్తామని అన్నారు. “జన్మదిన వేడుకలు కేవలం సంబరాలకు పరిమితం కాకుండా సమాజానికి ఉపయోగపడేలా ఉండాలన్నదే నా అభిమతం. రక్తదానం ఒక గొప్ప మానవతా సేవ. మనం ఇచ్చే రక్తం అత్యవసర సమయంలో మరొకరి ప్రాణాలను కాపాడుతుంది. నా జన్మదినం సందర్భంగా యువత స్వచ్ఛందంగా ముందుకు వచ్చి రక్తదానం చేయడం ఎంతో సంతోషంగా ఉంది” అని డేగల ప్రభాకర్ అన్నారు. అనంతరం పార్టీ శ్రేణులు, అభిమానులు డేగల ప్రభాకర్కు ఘనంగా జన్మదిన శుభాకాంక్షలు తెలిపారు. జన్మదినోత్సవాన్ని పురస్కరించుకొని ఒకవైపు యువతతో మెగా రక్తదాన శిబిరం నిర్వహించడం, మరోవైపు జీజీహెచ్ ప్రసూతి విభాగంలోని మహిళలకు పండ్లు, బ్రెడ్ పంపిణీ చేయడం ద్వారా డేగల ప్రభాకర్ జన్మదిన వేడుకలు సేవా స్ఫూర్తికి ప్రతీకగా నిలిచాయి.
